Ինչպես հայտնի է, օրեր առաջ Microsoft-ը ներկայացրեց իր նոր օպերացիոն համակարգը՝ Windows 8, որը արդեն վաճառվում է 37 լեզուներով: Նոր օպերացիոն համակարգով Microsoft-ը ուզում է հարված հասցնել իր հիմնական մրցակիցներին՝ Apple-ին և Google-ին: Windows 8-ը կրել է մի շարք գլոբալ փոփոխություններ, որոնք նոր ՕՀ-ին դարձրել են ավելի հարմար պլանշետներին: Մասնավորապես Start մենյուն, որը մինչ այժմ Microsoft-ի կողմից ստեղծված բոլոր ՕՀ-ների անբաժան մասնիկն էր, այժմ ստանալով նոր տեսք, ավելի հարմար է պլանշետային համակարգերի կողմից ղեկավարելուն: Իմ կարծիքով, նոր ՕՀ-ը ամենևին էլ ստեղծված չէ փոխարինելու իր նախորդին՝ Windows 7-ին, որը երկար տարիներ դեռ կմնա անհատական համակարգիչների հիմնական օպերացիոն համակարգ:
Ցանկության դեպքում կարող եք ներբեռնել, և ինքներտ փորձել նոր Windows 8-ը: Ներբեռնելու համար մտեք այստեղ և ընտրեք ՕՀ-ի տիպը: Այնուհետև եթե գրանցված չեք Microsoft-ի համակարգում ապա գրանցվեք, և կարող եք ներբեռնել Windows 8 Evaluation-ը 90 օր անվճար:
